Hierdie week begin Ps. Hendri Hofmeyr ons nuwe reeks oor die boek Hebreërs en verkondig dat Jesus groter is as engele, Moses, die wet, offers, en enigiets wat hierdie wêreld kan bied. Hebreërs is geskryf aan ’n vervolgde kerk en herinner ons dat God steeds deur Sy Seun praat, dat Jesus volkome mens geword het om sonde en dood te oorwin, en dat Hy ons sonder skaamte Sy familie noem. Ons hoop lê nie in tydelike omstandighede nie, maar in ewige lewe saam met Christus; want om Jesus te volg, is altyd die moeite werd.
