Die minister van basiese onderwys, Angie Motshekga, beledig die onderwysstelsel sê Fedsas. Dit volg na Motshekga Woensdagaand afgekondig het dat graad 7 en 12 leerlinge op 1 Junie teruggaan skool toe. Die minister het 'n konsortium aangewys om die proses te fasiliteer. Jaco Deacon van Fedsas sê die minister erken hiermee dat die departement nie in beheer is van die plan om kinders te laat terugkeer skool toe nie.
