(The world is saved by the very people it persecutes)
Masarap mabuhay, yan ang bigkas ng mga taong nakakaangat ang buhay\
Dahil nagagawa nila ang gusto nila, nabibili nila ang gusto nila
Pero narinig ko na rin na sinabi ito ng isang mahirap
Dahil wala siyang problema at maayos ang kalusugan
Masarap mabuhay! Yan ay totoo
Hindi dahil sa anung meron ka o anong sitwasyon mo
Masarap mabuhay dahil buhay ka.
Maraming kang kasabay na natulog kagabi, pero hindi na nagising
Realization din siguro ng mga namatay, masarap mabuhay, sana hindi ko sinayang
Pero hindi naman laging masarap mabuhay, lalo na kung dumadaan tayo sa paghihirap
Nawawalan na tayo ng gana, kahit ano pang ihain sa iyo ng buhay, ayaw mo na
Hindi na natin malasap kung anong meron sa buhay,
At magdududa na tayo, masarap pa ba talaga ang buhay?
Sabi ni Hesus, kayo’y asin sa sanlibutan
Hindi kayo ang aasinan, kundi kayo ang asin ng sanlibutan
Para ba gang paalala niya, you give life to life, Magbigay ka ng lasa sa buhay
Sa tradisyon ng mga hudyo, ang asin ay inilalagay sa mga tinapay na iniaalay sa altar
Ito ang utos ng Diyos na ilagay sa mga alay na pagkain
Tanda ang asin na ito ng ating kasunduan/tipan sa Diyos sa ating pag-aalay sa kanya
Ito rin ay tanda ng ating bokasyon, na hindi lamang tayo basta mag aalay, bagkus tayo ay maging mismong alay
Tayo ay maging asin, tayo ay maging alay!
Be the salt, and be the offering
Tayo ay maging asin na magbubudbod ng ating sarili sa iba
At maging kalugod lugod tayong alay sa ating Diyos
Paano kung hindi ka na asin? Paano kung wala ka nang alat?
Wala ka nang kabuluhan, wala nang saysay ang iyong pagpapagal
Tatapak tapakan ka na lang ng mga tao
You lose your saltiness, you lose your meaning, you lose your chance to enter heaven
Ikaw ay liwanag!
Magliwanag ka.
Be who you are… maging liwanag ka
Hindi man natin nakikita ang liwanag, alam naman nating ang liwanag ay nagbibigay kalinawan sa mga bagay sa ating paligid
Si Hesus, nagliwanag Siya sa sanlibutan dahil siya ay liwanag mismo, at dahil siya ay Anak ng Diyos
Tayo rin naman ay mga anak ng Diyos na dapat din magliwanag.
Wag mong itago ang liwanag mo dahil nahihiya ka
Wag mong itagong anak ka ng Diyos dahil nahihiya ka
Masarap ang buhay! At kasama sa sarap ng buhay ang bokasyon nating mabuhay bilang mga anak ng Diyos. Kaya naman tinutugon natin ang ating bokasyon na maging asin at liwanag sa sanlibutan. Ito ang tawag ni Hesus na ilabas natin ang pinakamagandang katangian natin bilang mga tagasunod niya. Let us bring out the best in us. Sa pagiging asin at liwanag, we can bring positivity into this world and the real change can happen through us.
