Rebonvenon al nia podkastaĉo, belaj personoj!! Mi scias ke la atendo estis longa kaj peza, ke vi suferis pro sopiro, ke viaj tagoj estis grizaj ĉar via plej ŝatata podkasto ne publikigis ion ajn, nu, vi almenaŭ havas nin por kovri tiun sopiron dum vi atendas vian plej ŝatatan podkaston. Ĝuu la ekon de la 4a sezono de la Malfamuloj!!
Hodiaŭ ni ricevis amikon nian, kiu ankaŭ estas vegano, gejo, kaj kubano loĝanta en Madrido. Li rakontis al ni pri tio, kion signifas esti gejo en tiu urbo, kompare kun la Kuba etoso por gejoj. Kaj aldone, ni analizis iomete pri kion signifas esti gejo, kion signifas esti aliseksemulo, kaj kion signifas kato por Pietro... vi scios!!
Dankon pro aŭskulti ĉi tion, kaj ne forgesu sekvi nin ĉie por scii kion plu ni faras. Fartu gaje!!
Alia novaĵo! Ni havas PATREON, do, se vi volas kontribui al la pliaĉigo de Esperantujo, ne dubu apogi nin tie ;) ni havos belajn donacojn por la membroj de Patreon: www.patreon.com/malfamuloj
