今次来信嘅内容：自从上次听过你哋嘅意见之后，我好认真咁考虑过，暂时我需要借助经理嘅力量，私底下，我会同佢保持互相喜欢嘅暧昧状态，但实际上，我哋真係好耐无见面啦。因为经理嘅工作真係好忙，晚上同周末都係工作，加上之前新冠疫情嘅关系，大家都home office，成个月先喺公司见到一次，因为佢太忙，匆忙交代咗一下工作又离开。大家虽然同一间公司，但其实见面嘅机会真係唔多。佢升咗我职，然后我哋办公室嗰个有暴力倾向嘅领导似乎感觉到我嘅份量，就唔敢再随便郁我，亦无再制止其他同事同我交流。因为我嘅工作量增长咗，需要人手，公司派咗一个助手帮我，于是工作有条不紊咁进行中。但工作仍然係多，我开始接触新嘅业务，每日都加班。米讲话挂住经理，连屋企都无暇顾及。因为高层领导对我嘅支持，架空咗我嗰个衰鬼上司，宜家我哋嘅事务，哪怕係维修一盏灯，经理都要问过我，报价有无问题，我话无问题佢先会审批。一方面我好努力，另一方面又喺度思考，我咁努力工作究竟係为乜？对于嗰个衰鬼上司，有D嘢係米真係可以得过且过呢？
