今期阿里娃嘅邮箱收到一位JJ女士嘅Case喔。
Hello阿里娃、森美你哋好啊。我同我老公同年，佢大我几个月喈，我哋22岁就结婚、生咗个女，宜家个女四岁都未到。最近我发现我老公好唔正常，以前我哋係无秘密嘎，最近见佢成日好专注咁睇住手机，一见到我就即刻锁屏，神情好慌张咁。而我其实都背住我老公偷食咗有超过半年啦，喺哩半年里面，我老公都有怀疑过我，有一段时间每日都要查我手机，我每日落班之前就会删晒所有蛛丝马迹，佢係睇唔出有乜嘢异样嘅，但有一次我放低手机喺厅，去厕所出嚟，发现我老公摞起我手机睇，原来係我男朋友发微信话我知挂住我。当时我假装镇定，复我男友，问佢係米发错咗嘢过嚟，佢好醒目即刻复我“唔好意思啊发错”。嗰次之后，老公就一直怀疑我啦，好想揾机会发我脾气，有时仲会揾个女出气，就算点样我都唔承认。直到个女肺炎入院，我要跟住去陪护，我哋就分开几日(因为疫情关系，入院唔可以探病)。个女出院之后，我渐渐开始觉得老公对我无咗咁紧张啦，唔再查我嘅手机，以前钟意成日痴住我，微信佢係秒回嘎，宜家多咗独处嘅时间，同埋经常好迟先复我。我唔敢查得佢太紧，只係偶尔提下佢，偷食记得抹嘴，因为我都怕佢会睇得我太紧坏咗我同男友嘅好事。种种迹象表明，我哋两公婆真係各自各精彩啦，但我哋应该係唔会离婚嘎，因为我男友都係有夫之妇，我哋迷恋对方嘅身体；而我老公都揾唔到同我离婚嘅理由……未来係点真係唔敢谂啊，唔知道我哋哩种状况会维持几耐呢？我从内心挣扎到宜家觉得开心，我係米好奇葩啊？
