Nýr Saints Row þar sem ALLT er nýtt … hvað finnst okkur um það?
Arnór Steinn og Gunnar ræða nýjustu tilraun Volition til að lífga við seríuna í þætti vikunnar. Borgin Santo Ileso er leikvöllur ykkar í þetta sinn, þar sem þið getið keyrt um, skotið, sprengt upp og almennt valdið usla á ykkar eigin einstaka hátt.
Við ræðum persónur, alla spilun, söguna og margt, margt fleira. Við spillum ekki fyrir neinu heldur tölum bara um hvernig okkur finnst leikurinn.
Þetta er mjög umdeildur leikur og við erum mögulega með umdeilda skoðun á honum. Þess vegna hvetjum við ykkur - hlustendur - til að senda á okkur ykkar skoðun. Hvað finnst ykkur raunverulega um leikinn? Hvað fór vel? Hvað fór illa? Hverju hefðuð þið breytt?
Þökkum Elko Gaming kærlega fyrir eintak af leiknum, en þátturinn er einnig í boði Hringdu.
