Heilu ári síðar er loksins komið að því - annar þáttur í tilvonandi seríu strákanna um einn merkasta tölvuleik okkar tíma.
Gunnar er kominn aðeins lengra og það er af nægu að taka. Restin af Velen og svo Novigrad söguþræðirnir verða ræddir í þaula í þætti vikunnar. Arnór er búinn að vera að spila líka og er því aðeins meira á nótunum.
Ef það er ekki komið nógu mikið á hreint núna þá er alveg eins gott að segja það, risastór höskuldarviðvörun fylgir þættinum ef þú hefur ekkert spilað Witcher 3.
Við tökum einnig smá Witcher skúbbspjall, Henry Cavill ætlar að hætta að leika Úlfinn Hvíta og til stendur að endurgera fyrstu tvo leikina á Unreal 5.
Allt saman rætt í þaula í stórskemmtilegum og stútfullum þætti!
Þátturinn er í boði Elko Gaming og Hringdu.
