上回講過政府膠官「玩郊」癖好陰魂不散，我哋嘅郊野面對威脅其實點止發展威脅？每日成千上萬膠樽發泡膠等等嘅海洋垃圾湧上沙灘同石灘，每次打完風之後更加慘不忍睹，污染海岸線、毒害海洋生物。
但我哋嘅政府對「執膠」就唔多積極，令熱愛香港環境嘅市民忙於淨灘，不禁令人問政府啲膠官究竟搞緊乜膠野。今集我哋請到特別嘉賓、本研社義工Kristy 同我哋分享佢對於香港海洋垃圾嘅研究。究竟政府對於海洋垃圾嘅源頭、去向等數量有冇掌握？海洋垃圾問題嘅源頭－都市固體廢物政策、生產者責任制進展又如何？
特別嘉賓：Kristy
研究完：劍、涼、Brian、Caesar
