Tema: Verseker van God se teenwoordigheid!
1 Joh.4:16 Ons het die liefde wat God tot ons het, leer ken en geglo. God is liefde; en hy wat in die liefde bly, bly in God, en God in hom.
Kom ons lees dit nou in die 1ste persoon: 1 Joh.4:16 Ek het die liefde wat God vir my het, leer ken en ek glo dit. God is liefde; en omdat ek in die liefde bly, bly ek in God, en God bly in my.
Aanhalings uit Rom 8:35-38 Wie sal ons skei van die liefde van Christus verdrukking of benoudheid of vervolging of honger of naaktheid of gevaar of swaard? Ek is versekerd dat geen dood of toekomende dinge ons sal kan skei van die liefde van God wat daar in Christus Jesus, onse Here, is nie.
Rom. 5:5 Die hoop beskaam nie, omdat die liefde van God in ons harte uitgestort is deur die Heilige Gees wat aan ons gegee is.
Ons soek God in sy manifesterende teenwoordigheid.
1 Kron. 28:9 Die HERE deursoek al die harte, en Hy verstaan elke versinsel van die gedagtes. As jy Hom soek, sal Hy Hom deur jou laat vind.
2 Kron. 15:2 Die HERE is met julle as julle met Hom is, en as julle Hom soek, sal Hy Hom deur julle laat vind.
Jer. 29:13 Julle sal My soek en vind as julle na My vra met julle hele hart.
