Pinanganak bilang Philip Dudley Cezar, siya ay isa sa pitong magkakapatid ng kanyang magulang na sina David Francisco Cezar at Rebecca Dudley. Una siyang nakitang maglaro para sa Fort Bonifacio Highschool at sa kolehiyo ng Jose Rizal College kung saan naging kakampi niya ang kanyang kapatid na si David Cezar at ang komedyanteng si Jimmy Santos. Matapos maging back to back MVP ni Atoy Co para sa Mapua noong 1970 at 1971, si Philip Cezar naman ang naging MVP para sa sumunod na season ng matulungan niya ang Jose Rizal College na magkampeon noong 1972 na nagkataon naman na pinakahuling kampeonato ng JRC sa kasaysayan ng NCAA.
