Parashah 26: Sh’mini (Agt) – No 2.
Abba Vader gee ons ‘n tweede kans vir ‘n nuwe begin en hierdie parasha of gedeelte is waar iets nuuts gebeur want Adam het die priesterskap verloor toe hy in die Tuin van Eden gesondig het. Sedertdien het elke historiese gebeurtenis in die Woord gelei tot die intree, moment wat in hierdie Torah gedeelte gevind word. Die priesterskap word weer in hierdie parasha hervestig. Nie net beskryf die Woord die openingsdag van die Levitiese priesterskap nie maar dit hou ook ‘n patroon vir ons in om die heerlikheid, die glorie, van Abba Vader te kan ervaar. So die parasha of gedeelte begin in Levitikus 9:1 wat sê “EN op die agtste dag het Moses Aäron en sy seuns en die oudstes van Israel geroep..” Die agtste dag en ons weet getalle het ‘n betekenis in Hebreeus, en die getal agt beteken nuwe begin.
