LINGGO, ENERO 5, 2025
Dakilang Kapistahan ng Pagpapakita ng Panginoon
MABUTING BALITA: MATEO 2: 1 - 12
Si Hesus ay ipinanganak sa Betlehem ng Judea noong kapanahunan ni Haring Herodes. Dumating naman sa Jerusalem ang ilang Pantas mula sa Silangan at nagtanung-tanong doon: “Nasaan ang ipinanganak na Hari ng mga Judio? Nakita namin sa Silangan ang kanyang tala at naparito kami upang sambahin siya.”
Nang mabalitaan ito ni Haring Herodes, siya’y naligalig, gayun din ang buong Jerusalem. Kaya’t tinipon niya ang lahat ng punong saserdote at mga eskriba sa Israel at itinanong sa kanila kung saan ipinanganak ang Mesiyas. “Sa Betlehem po ng Judea,” tugon nila. “Ganito ang sinulat ng propeta:
‘𝑨𝒕 𝒊𝒌𝒂𝒘, 𝑩𝒆𝒕𝒍𝒆𝒉𝒆𝒎, 𝒔𝒂 𝒍𝒖𝒑𝒂𝒊𝒏 𝒏𝒈 𝑱𝒖𝒅𝒂,
𝒂𝒚 𝒉𝒊𝒏𝒅𝒊 𝒏𝒈𝒂 𝒉𝒖𝒍𝒊 𝒔𝒂 𝒎𝒈𝒂 𝒑𝒂𝒏𝒈𝒖𝒏𝒂𝒉𝒊𝒏𝒈 𝒃𝒂𝒚𝒂𝒏 𝒏𝒈 𝑱𝒖𝒅𝒂.
𝑺𝒂𝒑𝒂𝒈𝒌𝒂𝒕 𝒔𝒂 𝒊𝒚𝒐 𝒍𝒊𝒍𝒊𝒕𝒂𝒘 𝒂𝒏𝒈 𝒊𝒔𝒂𝒏𝒈 𝒑𝒊𝒏𝒖𝒏𝒐
𝒏𝒂 𝒎𝒂𝒎𝒂𝒎𝒂𝒉𝒂𝒍𝒂 𝒔𝒂 𝒂𝒌𝒊𝒏𝒈 𝒃𝒂𝒚𝒂𝒏𝒈 𝑰𝒔𝒓𝒂𝒆𝒍.’”
Nang mabatid ito, lihim na ipinatawag ni Herodes ang mga Pantas at itinanong kung kailan lumitaw ang mga tala. At pinalakad niya sila patungong Betlehem matapos pabilinan ng ganito: “Humayo kayo at inyong hanaping mabuti ang sanggol. Kapag inyong natagpuan, ibalita agad ninyo sa akin upang ako may makasamba sa kanya.” At lumakad na nga ang mga Pantas. Muli silang pinangunahan ng talang nakita nila sa silangan hanggang sa sumapit ito sa tapat ng kinaroroonan ng bata. Gayun na lamang ang galak ng mga Pantas nang makita ang tala! Pagpasok sa bahay, nakita nila ang bata sa piling ng kanyang inang si Maria. Lumapit sila at nagpatirapa at sinamba ang bata. Binuksan nila ang kanilang mga sisidlan at inihandog sa kanya ang dala nilang ginto, kamanyang at mira.
Nang sila’y pabalik na, sinabi sa kanila ng Diyos sa pamamagitan ng panaginip na huwag na silang babalik kay Herodes. Kaya, nag-iba na sila ng daan pauwi.
Video by Alvin Fabella : COO, EScience Corp, District Head Coordinator, South Sector. Speaker. Retreat Master. Radio Anchor, Kakaiba Ka! Contributor- Kerygma Magazine/Didache. https://who-are-you-following.blogspot.com/2020/06/if-youre-tired-of-waiting-this-post-is.html
#pohopegiver #LandasngPagasa #catholic #scriptures #bibleeadings #Jesus #CatholicChurch #christian #church #faith #god #jesuschrist #love #pray #bible #christianity #prayer #hope #gospel
