Description

LUNES, SETYEMBRE 2, 2024
Lunes sa ika-22 na araw sa Karaniwang Panahon
Paggunita kay Santa Ingrid ng Sweden

MABUTING BALITA: LUCAS 4: 16 - 30

Noong panahong iyon, umuwi si Jesus sa Nazaret na kanyang nilakhan. Gaya ng kanyang kinagawian, pumasok siya sa sinagoga nang Araw ng Pamamahinga. Tumindig siya upang bumasa; at ibinigay sa kanya ang aklat ni Propeta Isaias. Binuksan niya ang aklat sa dakong kinasusulatan ng ganito:

“𝘚𝘶𝘮𝘢𝘴𝘢𝘢𝘬𝘪𝘯 𝘢𝘯𝘨 𝘌𝘴𝘱𝘪𝘳𝘪𝘵𝘶 𝘯𝘨 𝘗𝘢𝘯𝘨𝘪𝘯𝘰𝘰𝘯,
𝘚𝘢𝘱𝘢𝘨𝘬𝘢𝘵 𝘩𝘪𝘯𝘪𝘳𝘢𝘯𝘨 𝘯𝘪𝘺𝘢 𝘢𝘬𝘰 𝘶𝘱𝘢𝘯𝘨 𝘪𝘱𝘢𝘯𝘨𝘢𝘳𝘢𝘭 𝘴𝘢 𝘮𝘨𝘢 𝘥𝘶𝘬𝘩𝘢 𝘢𝘯𝘨 𝘔𝘢𝘣𝘶𝘵𝘪𝘯𝘨 𝘉𝘢𝘭𝘪𝘵𝘢.
𝘚𝘪𝘯𝘶𝘨𝘰 𝘯𝘪𝘺𝘢 𝘢𝘬𝘰 𝘶𝘱𝘢𝘯𝘨 𝘪𝘱𝘢𝘩𝘢𝘺𝘢𝘨 𝘴𝘢 𝘮𝘨𝘢 𝘣𝘪𝘩𝘢𝘨 𝘯𝘢 𝘴𝘪𝘭𝘢’𝘺 𝘭𝘢𝘭𝘢𝘺𝘢,
𝘈𝘵 𝘴𝘢 𝘮𝘨𝘢 𝘣𝘶𝘭𝘢𝘨 𝘯𝘢 𝘴𝘪𝘭𝘢’𝘺 𝘮𝘢𝘬𝘢𝘬𝘪𝘬𝘪𝘵𝘢;
𝘜𝘱𝘢𝘯𝘨 𝘣𝘪𝘨𝘺𝘢𝘯𝘨-𝘬𝘢𝘭𝘶𝘸𝘢𝘨𝘢𝘯 𝘢𝘯𝘨 𝘮𝘨𝘢 𝘴𝘪𝘯𝘪𝘴𝘪𝘪𝘭,
𝘈𝘵 𝘪𝘱𝘢𝘩𝘢𝘺𝘢𝘨 𝘢𝘯𝘨 𝘱𝘢𝘨𝘭𝘪𝘭𝘪𝘨𝘵𝘢𝘴 𝘯𝘢 𝘨𝘢𝘨𝘢𝘸𝘪𝘯 𝘯𝘨 𝘗𝘢𝘯𝘨𝘪𝘯𝘰𝘰𝘯.”

Binalumbon niya ang kasulatan, at matapos isauli sa tagapaglingkod, siya’y naupo. Nakatitig sa kanya ang lahat ng nasa sinagoga. At sinabi niya sa kanila: “Natupad ngayon ang bahaging ito ng Kasulatan samantalang nakikinig kayo.” Pinuri siya ng lahat, at namangha sa kanyang napakahusay na pananalita. “Hindi ba ito ang anak ni Jose?” tanong nila. Kaya’t sinabi ni Hesus, “Walang pagsalang babanggitin ninyo sa akin ang kawikaang ito: ‘Doktor, gamutin mo ang iyong sarili!’ Sasabihin din ninyo sa akin, ‘Gawin mo naman sa ‘yong sariling bayan ang mga nabalitaan naming ginawa mo sa Capernaum.’” At nagpatuloy ng pagsasalita si Hesus, “Tandaan ninyo: walang propetang kinikilala sa kanyang sariling bayan. Ngunit sinasabi ko sa inyo: maraming babaing balo sa Israel noong kapanahunan ni Elias nang hindi umulan sa loob ng tatlong tao’t kalahati at magkaroon ng matinding taggutom sa buong lupain. Subalit hindi sa kaninuman sa kanila pinapunta si Elias kundi sa isang babaing balo sa Sarepta, sa lupain ng Sidon. Sa dinami-dami ng mga ketongin sa Israel noong kapanahunan ni Eliseo, walang pinagaling isa man sa kanila; si Naaman pang taga-Siria ang pinagaling.” Galit na galit ang lahat ng nasa sinagoga nang marinig ito. Nagtindigan sila, at pinagtabuyan siyang palabas, sa taluktok ng burol na kinatatayuan ng bayan, upang ibulid sa bangin. Ngunit dumaan siya sa kalagitnaan nila at umalis.

Reflection by Roy Azarcon: Research and Tutorial Services. Pathways Wide Intercession Ministry Head. Tahanan ng Panginoon Area Worker. Covenanted Member-Ligaya ng Panginoon

#POHopegiver #LandasngPagasa #catholic #scriptures #bibleeadings #Jesus #CatholicChurch #christian #church #faith #god #jesuschrist #love #pray #bible #christianity #prayer #hope #gospel