LUNES, HUNYO 24, 2024
Lunes ng Ikalabing-dalawang Linggo sa Karaniwang Panahon
Dakilang Kapistahan ng Pagsilang ni San Juan Bautista
Paggunita kina San John And Festo, Martyrs On The Via Salaria Antica
MABUTING BALITA: LUCAS 1: 57-66, 80
Dumating ang oras ng panganganak ni Elisabet, at nagluwal siya ng isang sanggol na lalaki. Nabalitaan ng kanyang mga kapitbahay at mga kamag-anak na siya’y pinagpala ng Panginoon, at nakigalak sila sa kanya.
Nang ikawalong araw, dumalo sila sa pagtutuli ng sanggol. Zacarias sana ang ipangangalan sa kanya — gaya ng kanyang ama — ngunit sinabi ng kanyang ina, “Hindi! Juan ang ipapangalan sa kanya.” “Subalit wala isa man sa iyong mga kamag-anak ang may ganyang pangalan,” wika nila. Kaya’t hinudyatan nila ang kanyang ama at itinanong kung ano ang ibig niyang itawag sa sanggol. Humingi siya ng masusulatan at sumulat ng ganito: “Juan ang kanyang pangalan.” At namangha silang lahat. Pagdaka’y nakapagsalita siya, at nagpuri sa Diyos. Natakot ang lahat ng kanilang kapitbahay, anupat naging usap-usapan sa buong kaburulan ng Judea ang mga bagay na ito. Pinakaisip-isip ito ng lahat ng nakaalam at ang kanilang tanong: “Magiging ano kaya ang batang ito?” Sapagkat maliwanag na sumasakanya ang Panginoon.
Lumaki ang bata at naging malakas ang kanyang espiritu. Siya’y tumira sa ilang hanggang sa araw na magpakilala siya sa Israel.
Reflection by 𝙎𝙖𝙧𝙖𝙝 𝙋𝙖𝙣𝙖𝙝𝙤𝙣 : 𝙈𝙖𝙧𝙧𝙞𝙖𝙜𝙚 𝙖𝙣𝙙 𝙁𝙖𝙢𝙞𝙡𝙮 𝘾𝙤𝙪𝙣𝙨𝙚𝙡𝙤𝙧. 𝙎𝙚𝙣𝙞𝙤𝙧 𝙬𝙤𝙢𝙖𝙣 𝙡𝙚𝙖𝙙𝙚𝙧. 𝘾𝙤𝙫𝙚𝙣𝙖𝙣𝙩𝙚𝙙 𝙢𝙚𝙢𝙗𝙚𝙧 𝙤𝙛 𝘼𝙣𝙜 𝙇𝙞𝙜𝙖𝙮𝙖 𝙣𝙜 𝙋𝙖𝙣𝙜𝙞𝙣𝙤𝙤𝙣
#POHopegiver #LandasngPagasa #catholic #biblereadings #jesus #catholicchurch #christian #church #faith #god #jesuschrist #love #pray #bible #christianity #prayer #hope #gospel
