(FULL Version)
Listen on Youtube: https://youtu.be/vBXI7xBOpsE
Listen on Anchor, Spotify, apple iTunes
________________________________________
我Channel: http://www.youtube.com/missyelly
大家記得要Subscribe, Like, and share Youtube Channel 記得要㩒隔離個鐘仔，咁就唔會錯過我地最新上架嘅片啦！ ________________________________________
記得 Subscribe | Follow | Comment | Like | Share
東岸時間逢星期二早上九點準時上架！
________________________________________
“I work hard so my cats and dog can have a better life” - 波士頓港女MissyElly
今年4月11日就係National Pet Day, 超鐘意小動物，屋企有7貓1狗嘅MissyElly緊係要襯呢個時侯同大家宣揚「領養代替購買」啦！其實除咗喺波士頓有領養動物嘅經驗之外，屋企仲有兩隻由香港移民過嚟波士頓嘅貓貓，當中有啲咩手續要搞？所有檢查使費大概幾多錢呢？貓貓嘅機票會唔會好貴？另外仲有啲咩地方要留意呢？
領養代替購買
當緣份嚟到嘅時侯，你可能會立即想帶隻寵物返屋企。但係應該去領養定係喺寵物店買呢？或者你第一時間會問下身邊有養寵物嘅朋友意見，又或者會加入一啲寵物group取經。如果你問MissyElly嘅意見，一定會提議你「領養代替購買」。有好多新手都會有同一個疑問，點解唔直接去寵物店買呢？又快又方便；又多貓狗BB；細細個養會乖啲；收容所啲貓貓狗狗好似好污漕咁，我想養純種嘅狗仔呀！如果你咁諗就真係大錯特錯喇。 每個美國州份嘅收容所資源唔同，法例亦有唔同。而每年都有數之不盡嘅貓狗，因為沒人領養而要被安樂死。居住喺收容所嘅貓狗數量同需要領養寵物的人口數量嚴重失衡。所以其實每個家庭去收容所，每領養一隻貓狗，就己經拯救咗一條生命。
而收容所一律都會為咗保證，所有居住喺收容所動物嘅健康。所以佢地都會有基本嘅身體檢查。而大部份待領養嘅貓狗，收容所都會為佢地做絕育手術。當遇到有啲完全冇被人養過嘅貓狗，收容所嘅義工都會逐一為佢地進行一啲家居訓練。目的係為咗增加貓狗可以被領養嘅機會。所以收容所嘅動物，絕對唔會比寵物店嘅動物差。因為寵物店嘅動物表面睇起嚟，好似好健康。但實際上，寵物店嘅動物大部份都係由繁殖場買返嚟嘅。而繁殖場入面，好多都係近親繁殖，所以有好多cases都會發現原來佢地一身都係病嘅例子。而且近親繁殖嘅純種貓狗本身都有好多基因缺陷。所以透過領養寵物，可以有效杜絕呢啲黑心繁殖場！好多寵物店同繁殖場只係為咗賺錢，唔會好好照顧呢啲貓狗為佢地提供任何醫療。所以如果真係愛錫動物嘅你，有意思想要一隻寵物，「請領養代替購買」！
