അന്തസോടെ പണിയെടുത്ത് ജീവിക്കാനുള്ള അവകാശത്തിനായി മട്ടാഞ്ചേരിയില് സമരം ചെയ്ത തൊഴിലാളികള്ക്ക് നേരെ സൈന്യത്തിന്റെ തോക്കിന് കുഴലുകള് തീതുപ്പി. മൂന്ന് തൊഴിലാളികള് രക്തസാക്ഷികളായി. വെടിയൊച്ച കേട്ട് തൊഴിലാളികള് ചിതറിയോടുമെന്ന് കരുതിയ ഭരണകൂടത്തിന്റെ പ്രതീക്ഷകള് തെറ്റി. കല്ചീളുകളുമായി തോക്കുകളെ നേരിട്ട അവര് ചാപ്പ സമ്പ്രദായത്തെ ചരിത്രത്തിന്റെ ചവറ്റുകൊട്ടയിലെറിഞ്ഞു.
