Ons kyk na Star Trek se Borg en gebruik dit as ’n gedagte-eksperiment om kollektiewe en individualistiese samelewings te vergelyk.
Ons ondersoek ook die moraliteit van die assimilasie van ander gemeenskappe by joune, soms met geweld, omdat jy besluit dis beter vir hulle.
Ons vergelyk die Borg se hive mind met dié van bye, seekatte, die weermag, ekonomiese stelsels, KI (kunsmatige intelligensie), en selfs die menslike immuunstelsel.
Leef ons nie dalk alreeds in ’n tipe hive mind noudat almal heeltyd aanmekaar gekonnekteer is met die internet nie?
Kan ’n hive mind kreatief of demokraties wees?
Wat werk beter om moeilike probleme op te los: ’n hive mind (oftewel ’n kollektiewe samelewing) of individualisme?
