上集主要補充咗禪宗祖師嘅背景，以及胡適同鈴木大拙之間嘅基本差異，今集開始，我哋就要用《鈴木大拙禪學入門》嘅緒論，略略講下一個禪者覺得禪宗有咩特別。
今集內容包括：
- 「特別宗派：禪宗」：禪宗認為喺中土生根嘅佛教門派（大乘），確實同印度本土有所不同。
- 「禪與邏輯」：鈴木大拙理解下嘅禪宗，對邏輯有住「唔符合直覺」嘅態度，亦係因為呢個態度，使得鈴木大拙同胡適天各一方。
- 「坐禪與神秘主義（東亞神秘主義vs印度神秘主義）」：唔多學派會自認為神秘主義，鈴木大拙承認禪係一種神秘主義，基於佢對神秘主義有特別嘅定義，呢種神秘主義同東方精神有莫大關係，亦同印度精神相當唔同……鈴木大拙甚至講到：「然而，他們｛印度｝的神秘主義太重視思辨，太耽於冥想，太複雜了，而且似乎和我們居住的具體的現實世界沒有什麼真實或重要的關係。」
