Ṭawngṭaina hi iem a na ei ti chun "Pathien le inbiekna" a n'el a. Mit meng pum khawma thaw thei a nih a, mit insim pum khawma thaw thei a nih. 1 Thesalonika 5:17-18-na a chun "Ma loin ṭawngṭai unla, iengkimah lawmthu hril rawp ro" tiin Tirko Paulan a lo zieka. Ma loa ṭawngṭaina nei ding chun mit insim zing chu thil thei lo a nih. Mit meng puma ṭawngṭai hi ei thiem pha pha ṭawngṭaina inhawi zie ei man tak tak chau hlak. Chuleiin khum laizawl, bu thlêng hma le biekin a thaw chi chau an nawh a, ei fe na naah ṭawngṭaina hi ei nei thei zing a nih.
