Di destpêkê de nîqaş û berhem li dor sê şaxên sereke kom dibûn. Şaxa yekem, îlham û motîvasyonên xwe heta radeyekê ji proseya globalîzasyonê, felsefeyên lîberalîzmê û teoriyên postmodernîzmê werdigirt. Hilweşandina Yêkitiya Sovyetê û Dewletên Perdeya Hesînî wekî îmkanekê ji bo avakirina dinyayekê hat şîrovekirin ku xwe ji bazinên otorîteryanîzmê azad kiriye. Helbet edebiyat jî di vê qonaxê de xwe ji lepên partî, dewlet û serokan rizgar bikira.
