Gembala Menyapa
9 Juli 2022
ANDHUM BERKAH MINANGKA TANDHA KATRESNAN
2 Korinta 8:1-7
Satunggaling tradisi ingkang taksih wonten ing desa-desa Kristen nalika mapak riyadin Natal inggih punika weweh utawi ater-ater dhateng para sadherek utawi rencang damel. Ater-ater punika kagungan arti kalih, ingkang sepisan minangka wujud kabingahan ing riyadin Natal, ingkang kaping kalih dados tanda katresnan tumrap para sedherek. Sinaosa namung dhateng rencang damel ananging sinten kemawon ingkang nampi ater-ater kalawau sampun dipun anggep dados sedherekipun. Ingkang langkung endah, lumantar tradisi punika inggih kados pundi saben brayat taksih ngawontenaken ater-ater punika dhateng para sedherek supados raos paseduluran punika tansah lestantun.
