PDF တွေကို ဥပဒေဘောင်အတွင်းပြန်ဝင်ဖို့ ဖိတ်ခေါ်တယ်ဆိုတာ အခြေနေမကောင်းလို့ မဟုတ်ဘူး theoretically အရ step by step သွားနေတာပါပဲ အများထင်သလို သိပ်အထိနာနေလို့ ကြံရာမရ လုပ်တာလို့ မမြင်မိဘူး။
ခင်ဗျားက စစ်တပ်ကို အတော်အထင်ကြီးနေပုံပဲလို့ ထင်ချင်ထင်နိုင်တယ်၊ သို့သော် ဘယ်ကိစ္စမဆို ရှုထောင့်တစ်ခုတည်းက ကြည့်လို့တော့ မရဘူးပေါ့။
တိုက်ပွဲကာလ ကြာရှည်လာတာနဲ့အမျှ PDFဘက်က တပ်အသီးသီးမှာရှိတဲ့ရဲဘော်တွေလည်း စိတ်ဓါတ်ရေးရာ ကျဆင်းမှုတွေ ရှိလာတယ်။ ကျန်ခဲ့တဲ့ မိသားစုဝင်တွေ ခံစားနေရတဲ့ လူမှုစီးပွား ဒုက္ခတွေကို ကြားရသိရတဲ့အခါ ငါ့မိသားစုအပေါ် တာဝန်လစ်ဟင်းနေပါလား ဆိုတာအထိ စဥ်းစားမိကြတာမျိုးလည်း ဖြစ်လာတယ်။
လူမှုစီးပွား အခြေအနေတစ်ရပ်လုံး ဇောက်ထိုးကျနေတဲ့ အချိန်မှာ မြို့ပေါ်လူတန်းစားဟာ အကုန်ပိပြားပြီး ဝန်းရံနိုင်စွမ်း မရှိသလောက် ဖြစ်သွားတယ်။
ကျေးလက်တွေမှာ ရွာလုံးကျွတ်မီးသင့်ခံရပြီး ဒုက္ခသည်တွေ တိုးလာတယ်။ ဒီအခြေအနေအရ မြို့ပြ ကျေးလက် နှစ်ရပ်စလုံးရဲ့ ဝန်းရံနိုင်စွမ်း မရှိတော့တဲ့အပြင် မြို့ပြမှာလည်း ခိုးဆိုးလုနှိုက် ကြောက်နေရသလို တောဘက်မှာလည်း စစ်ကြောင်းကို လန့်နေရတဲ့ အခြေအနေ ဖြစ်လာတယ်။
ဒီလိုအခြေအနေမှာ အလွန်စိတ်ဓါတ်ကြံ့ခိုင်ပြီး နောက်လှည့်ကြည့် ကျောပဲရှိတယ်ဆိုတဲ့ ခံယူချက်ပြင်းလှတဲ့ ရဲဘော်တွေတောင်မှ စိတ်ဓါတ်ကျချင်သလိုလို ဖြစ်လာကြတယ်။ အခြား စိတ်ဓါတ်တစ်ခုတည်းနဲ့ ထွက်လာခဲ့ကြတဲ့ ရဲဘော်တွေရဲ့ အစစ အရာရာ ရှားပါးမှု ကြပ်တည်းမှု အိမ်လွမ်းစိတ် အပေါင်းအသင်းတွေနဲ့ ပတ်ဝန်းကျင်ကို လွမ်းစိတ် စတာတွေဟာ ပိုပို ဆိုးလာတယ်။
ဒီလိုအခြေအနေကို စစ်တပ်ဟာ အချိန်ယူပြီး စောင့်နေခဲ့ရတယ်၊ ဒီအခြေအနေ ရောက်ပြီဆိုမှ နကစဘက်က ဒီစကားကို ထုတ်ပြောတယ် ဆိုတာ အကုန်လုံးကို အနိုင်ပိုင်းမယ်လို့ တွက်ချက်ထားပြီး ဖြစ်တယ်လို့ ယူဆတယ်။
ဒါကြောင့် ဒီကိစ္စဟာ မိုတီရစရာ မဟုတ်ဘူး၊ တတိယနိုင်ငံကနေ မြေပြင်အခြေအနေ နဲ့ လွဲမှားစွာ
ပြောဆို ပြုမူနေကြတဲ့ (NUG/ NUCC )အတွက်အလွန်အန္တရာယ်ကြီးနေတယ်ဆိုတာတော့သေချာပါတယ်။
