A menstruación, o embarazo, o aborto, as violacións, os acosos e as agresións sexuais enténdense como “cousas de mulleres”. Por que? Pois porque o que é definido como “universal” é o concernente ao home cis-xénero heterosexual sendo considerado o oposto “particular” todo o que non lle afecte a este suxeito. O paradoxal é que sendo supostamente “cousas de mulleres”, quen lexisla sobre ditos temas acaban sendo os homes...
O espazo público implica para nós non ter certas actitudes demasiado proactivas ou de liderado, non ir vestidas segundo de que xeito, non falar segundo de que maneira, ... É dicir, “permitíusenos” saír do espazo doméstico, pero coa condición de seguir un código de comportamento definido por outros. En calquera recuncho do globo terráqueo, quedamos relegadas á privacidade clandestina dun cuarto coa porta ben pechada para poder ser, falar, vestir e comportarnos sen acusación, condena nin penalización.
Porque hoxe 25 de novembro, Día Internacional da Eliminación da Violencia contra aMuller, non é só cousa de Mulleres: é cousa de toda a sociedade.
