O 25 de xullo celebramos o Día da Matria Galega.
Grazas ao labor das Irmandades da Fala, conseguiuse designar un día no que homenaxear a Galicia. Non foi até mediados dos anos 1980 cando se permitiu a manifestación deste día de maneira pública. En resumo, fai dous días que somos libres de poder conmemorar sen restricións o Día de Galicia.
O himno galego estreouse o 20 de decembro de 1907 no Centro Galego da Habana. Só a partir de 1975 puido volver cantarse o himno completo publicamente. Recordemos que o noso himno insta a espertar para camiñar cara a liberdade e para iso cada unha das persoas do pobo galego ten que atreverse a alzar a súa voz como os rumorosos piñeiros do poema.
Moitas grazas ás persoas galegas que decidiron e deciden ficar na terra-nai e defender a existencia de Galicia mediante a súa presenza in situ. Sodes as valentes que seguen plantando e regando as nosas árbores. Valoremos as accións daquelas que se moveron na clandestinidade arriscando as súas vidas para manter o fogo da enerxía colectiva á espera de poder manifestarse após escampar a tempestade. Moitas grazas a todas aquelas persoas galegas emigrantes que seguiron e seguen mantendo a nosa fala e a nosa cultura contribuíndo dese xeito ao coidado e persistencia de Galiza.
Coidemos e celebremos a nosa Matria cada día do ano, xentiña!
