Noong bata pa tayo, simple lamang ang dahilan ng ating kaligayahan.
Ang sarap maging bata sa piling ng mga maliliit na bagay na ating iniintindi. May mumuntit' makukulay tayong mga pangarap at nais marating sa paglaki... gaya ng bahangharing sumasalamin ng pag-asa at pangarap. Sa paglaki at tuluyang paglawak ng ating isipan, kung hindi man umayon ang panahon sa atin o minsay iba ang direksyon ng bahangharing pinagbulungan ng ating nais paroonan, piliin pa rin sana nating mamuhay na puno ng katingkaran. Gaya ni Jayson Sabong, isang bihasang manunulat ng tula at lathalain, at piniling tahakin ang kurso ng medisina minsa'y naging batang itinuring na kaharian ang bawat pagsibol ng bahaghari.
Saksihan, pakinggan at muling mamulat gamit ang kaniyang tinik na pilit tayong hahataking muling silayan ang mga natatanging kulay ng kapalaran.
Mapapakinggan rin ang episode na ito sa google podcast: https://bit.ly/3IBd8F3
