Q: Account Executive တစ်ယောက်အနေနဲ့ ဘာတွေကိုအဓိကလုပ်ရပြီး ပိုမိုတိုးတက်လာအောင် ဘာတွေ Learning လုပ်သင့်လဲဆိုတာလေးဖြေပေးပါဦး အစ်ကို။
A: Account Executive တစ်ယောက်ကဘာတွေအဓိကလုပ်ရလဲဆိုတော့ Client နဲ့ Agency ကြားကို connect လုပ်ပေးတာပါ။ Agency မှာရှိတဲ့ Creative Director တွေ၊ Creative Designer တွေ၊ Copywriter တွေ၊ ပြီးတော့ Media Buyer တွေ၊ Talent Management လုပ်ပေးနေတဲ့သူတွေ၊ Live Streaming ရိုက်ပေးနေတဲ့သူတွေ အစရှိတဲ့သူတွေကို Account Manager ကြားကနေ နေပြီးတော့ Client လိုချင်တာတွေကို ပြန်ပြောပေးရတာပါ။ Client နေပြီးတော့ Account Manager ကို Billboard က ဘယ်နေရာမှာလိုချင်တယ်၊ Boosting မှာဘာကို Target ထားချင်တယ်၊ Creative ကိုဘယ်လိုလုပ်စေချင်တယ်၊ KOLs ကဘယ်သူ့ကိုငှားချင်တယ် အစရှိတာတွေကို Account Executive, Account Manager နားထောင်ပြီးတော့ ဆိုင်ရာ Department ကိုပြန်ပြောရပါတယ်။ ဆိုင်ရာ Department ကလည်းအဖြေတစ်ခုထွက်လာပြီဆိုရင် Account Executive, Account Manager က Client ကိုပြန်ပြောပေးပါတယ်။ Account Manage အပိုင်းမှာတော့ ယေဘုံယျအားဖြင့် Account Executive, Account Manager, Account Director ဆိုပြီးအဆင့်သုံးဆင့်ရှိပါတယ်။ AE နဲ့ AM ဘယ်လိုခွဲလဲဆိုတော့ Account Executive က executive ဆိုတဲ့အတိုင်း execution ဘက်ကိုအဓိကလုပ်ရပါတယ်။ Operation ပိုင်းကိုအဓိကလုပ်ရတာပေါ့။ ဥပမာ - Reporting အတွက်ကို data တွေစုတာတို့ (ကျွန်တော်တို့ Agency နဲ့ တခြား Agency တွေနဲ့ကွာနိုင်ပါတယ်) ပြီးတော့ Account တစ်ခုချင်းစီကို Daily monitoring လုပ်ပေးရပါတယ်။ AM ဖြစ်သွားပြီဆိုရင်တော့ Weekly Meeting တွေမှာဝင် join ပေးရတာတွေရှိပါတယ်။ ပြီးတော့ ကျွန်တော်တို့ Agency မှာကျ AM က Overall account တစ်ခုချင်းစီကို weekly, monthly လိုက်ကြည့်ပြီးတော့ Market မှာဘာတွေဖြစ်နေလဲဆိုတာကိုလိုက်ကြည့်ပါတယ်။ Account Director level လောက်ရောက်သွားပြီဆိုရင်တော့ လာမယ့် ၆လမှာ Channels တွေဘယ်လိုအပြောင်းအလဲရှိလာနိုင်မလဲ၊ လူတွေရဲ့ Trends တွေ Behavior တွေ ဘယ်လိုပြောင်းလဲလာနိုင်လဲဆိုတာကို လိုက်လေ့လာရပါတယ်။ ဒါကတော့ ကျွန်တော်တို့ Agency မှာ AE, AM, AD အဆင့်ဆင့်နဲ့ run နေတဲ့ပုံစံမျိူးပါ။ ပိုပြီးတိုးတက်အောင် ဘာလုပ်သင့်လဲဆိုတော့ ကိုယ့်ရဲ့ Market ကိုနားလည်အောင် သေချာလေးလုပ်ထားနိုင်မယ်ဆိုရင်တော့ အများကြီးအဆင်ပြေပါတယ်။ Market ကိုလေ့လာဆိုတဲ့နေရာမှာ ကျွန်တော်အဆင့်သုံးဆင့်နဲ့ပြောချင်ပါတယ်။ ပထမအဆင့်က Customer, ကျွန်တော်ကတော့ Customer နဲ့ relevant အဖြစ်ဆုံးဟာကိုလိုက်ကြည့်ပါတယ်။ လက်ရှိအချိန်မှာ customer တွေရဲ့ pop culture ကဘာတွေဖြစ်နေတာလဲ၊ မြန်မာနိုင်ငံရဲ့ culture တွေဘယ်လိုမျိုးအပြောင်းအလဲတွေရှိနေတာလဲဆိုတာတွေကို comment တွေလိုက်ဖတ်၊ စကားလိုက်ပြောပြီးတော့ လေ့လာရပါတယ်။ ဒုတိယတစ်ဆင့်ကတော့ Company, ကျွန်တော်တို့ Client ကဘယ်လိုမျိုး Client လဲ၊ အဓိက key strength တွေ၊ weakness တွေကဘာတွေလဲဆိုတာကို လိုက်လေ့လာရပါတယ်။ ဘာလို့ဆို AE တစ်ယောက်က Internal Team ကိုပြန်ပြီးစကားပြောတယ်ဆိုလို့ရှိရင် Client ကိုယ်စားစကားပြောရတာဖြစ်တဲ့အတွက်ကြောင့် သူဘာကြိုက်တတ်လဲဆိုတာက နားလည်ထားရပါတယ်။ တတိယအဆင့်ကတော့ Competitor, ကိုယ့် Client ရဲ့ ပြိုင်ဖက်တွေကဘာတွေလုပ်နေလဲဆိုအမြဲလိုက်ကြည့်နေရပါတယ်။ ကျွန်တော်ဖြစ်စေချင်တာကတော့ မနက်အိပ်ယာနိုးတိုင်း အဓိက competitor လေးခု၊ ငါးခုလောက်ရဲ့ page တွေကို သူတို့ဘာတွေလုပ်နေလဲဆိုတာကို သိနိုင်ဖို့ဝင်ကြည့်ပါ။ စတာတွေကို Account Executive တစ်ယောက်အနေနဲ့ အကျင့်တစ်ခုရအောင် လုပ်ထားနိုင်မယ်ဆိုရင် အများကြီအဆင်ပြေမယ်လို့ထင်ပါတယ်။
