Q: branding and marketing budget ကိုလုပ်ငန်းတစ်ခုအနေနဲ့ ဘယ်လိုတွက်လဲသိချင်ပါတယ်ဗျ။ A: ကျွန်တော်တို့ကဘယ်လိုတွက်လဲဆိုတော့ အရင်ဆုံးတော့ sale budget ကိုတွက်သလိုပဲပေါ့နော်။ business objective ကိုအရင်ချတယ်။ ဆိုလိုချင်တာက နောက်နှစ်မှာဘယ်လိုမျိုး business ကိုတိုးမှာလဲ။ sale 20 percent increase ဖြစ်ချင်တယ်။ ဒါမှမဟုတ်ရင် ဘယ်မြို့ကိုချဲ့ချင်တယ်။ ဘယ်နိုင်ငံကိုချဲ့ချင် တယ်။ ဘယ်နှစ်ဆိုင်ချဲ့ချင်တယ်ဆိုတဲ့ business objective တစ်ခုကိုအရင်ဆုံးတည်တယ်။ တည်ပြီးတဲ့ အချိန်မှာ အဲ့လုပ်ငန်းစုတစ်ခုအနေနဲ့က လူတွေသိနေပြီးသား brand လား။ လူမသိသေးဘူး။ အခုမှစတည် တဲ့ brand လား။ စတဲ့ဟာတွေအကုန်လုံးချလိုက်ပြီးတဲ့အချိန်မှ sale ကိုဒီဘက် business ကနေပြီးတော့မှ marketing ဘက်ကနေပြီးတော့မှ ဘယ်လိုမျိုး contribute လုပ်ကြမလဲဆိုတဲ့ပုံစံမျိုးကို အရင်ဆုံး တည်လိုက်ပါတယ်။ ကျွန်တော်တို့ရဲ့ sale က ten percent increase ဖြစ်ချင်တယ်။ ဥပမာပြောတာနော်။ ဘယ်မြို့ဘယ်မြို့တွေမှာ ဘယ်လိုဆိုင်တွေချဲ့မယ်ဆိုတဲ့ဟာတွေဖြစ်ချင်တယ်။ အဲ့အချိန်မှာဘာလုပ်လဲ ဆိုတော့ sale ကို 10% increase ဖြစ်တယ်ဆိုရင် marketing ကို fifty percent increase လုပ်မှာလားဆိုတဲ့ပုံစံမျိုးနဲ့ ကျွန်တော်တို့သွားတယ်။ အဲ့တော့ကျွန်တော်တို့က marketing ကို fifty percent increase လုပ်မယ်ဆိုရင် မနှစ်က marketing budget သိန်းတစ်ရာရှိတယ်။ ဒီနှစ်တစ်ရာ့ဆယ့် ငါးသိန်းကို စဉ်းစားလိုက်ပြီထားပါတော့။ sale ten percent increase ဖြစ်ဖို့အတွက်က ဘယ်လတွေမှာ ဘယ်လောက်သုံးမယ်ဆိုတဲ့ဟာကို အရင်နှစ်၊ သုံး၊ လေး၊ ငါးနှစ်ရဲ့ data တွေကိုပြန်ပြီးတော့ သုံးသပ်ပါ တယ်။ အဲ့အချိန်မှာ ကျွန်တော်တို့ seasonal sale တွေလည်းရှိနိုင်တာပေါ့နော်။ သင်္ကြန်မှာ promotion က တော့ ဘယ်သူကဘယ်လောက်ဝယ်သွားတယ်။ သီတင်းကျွတ်မှာ ဘယ်လို promotion ကတော့ ဘယ်လောက်ရောင်းလိုက်ရတယ်ဆိုတာမှာမူတည်ပြီးတော့ ကျွန်တော်တို့ကဘယ်ကာလမှာတော့ ဘယ် လောက်ထိ market demand ရှိတယ်။ လူတွေအဝယ်လိုက်နေတယ်။ အဝယ်များနေတယ်ဆိုတာမှာ မူတည်ပြီးတော့မှ ကျွန်တော်တို့ကအဲ့အချိန်မှာ marketing monthly budget projection ကိုဆွဲတာပါ။ အဲ့တော့အဲ့ပုံစံမျိုးနဲ့ ကျွန်တော်တို့ကအကြမ်းဖျဉ်းတွက်ပါတယ်။ ပြီးတော့မှဘာထပ်တွက်လဲဆိုတော့ အဲ့ဒီ marketing budget ကိုဘယ် platform တွေမှာ ဘယ်လောက်သုံးမှာလဲပေါ့နော်။ ကျွန်တော်တို့ Facebook မှာဆိုရင်ဘယ်လောက်သုံးမှာလဲ၊ ပြီးတော့ boosting ကိုဘယ်လောက်သုံးမှာလဲ၊ creative ကိုဘယ်လောက်သုံးမှာလဲ၊ video ရိုက်မယ်၊ ကြော်ညာရိုက်မယ်ဆိုရင်လည်း ဘယ်လောက်သုံးမှာလဲဆိုတဲ့ ပုံစံမျိုးနဲ့လုပ်လေ့ရှိပါတယ်။ #marketing #digitalmarketing #market #career #askalex #askalexmm
