Marketing Budget ဘယ်လိုဆွဲရမလဲ?
ကျွန်တော်ဆွဲနေကြ Marketing Budget ပုံစံအကြမ်းဖျင်းလေးပြောပြပါမယ်။ အရင်ဆုံး client ကိုအချက်သုံးချက်မေးပါတယ်။
၁. Customer အကြောင်းကိုမေးတယ်
၂. Brand အကြောင်းကိုမေးတယ်
၃. Business Goal ကိုမေးပါတယ်
Business Goal ထဲမှာ မနှစ်ကရောင်းရတဲ့သူကိုဘဲ ထပ်ပြီးရောင်းချင်တာလား? Market ချဲ့ချင်တာလား?Brand Extension လုပ်ချင်တာလား? ဆိုပြီးရှိပါတယ်။ Brand Extension ဆိုရင် ကျွန်တော့်ဆရာကိုအောင်ချစ်ခင် အမြဲပြောလေ့ရှိတယ် အခုဆိုလို့ရှိရင် Mercedes ဒါမှမဟုတ် BMW က ကားထုတ်နေတာကနေ ဆိုင်ကယ် (သို့) စက်ဘီးတို့ ပြန်ထုတ်နေတာတို့ အဲ့လို Brand Extend လုပ်နေတဲ့ Brand တွေရှိတယ်။ အဲ့လိုမျိူးသွားချင်တဲ့ Brand တွေလည်းရှိနေတာဆိုတော့ ဒါတွေက Business Goal အပေါ်မှာ အများကြီးအခြေခံတယ်။ အဲ့တော့ ကျွန်တော်က Marketing Budget ကို Business Goal အပေါ်မှာ ဦးစားပေးပြီးဆွဲလေ့ရှိတယ်။ ဘယ်လိုမျိုး အခြေခံလဲဆိုရင် sales ကိုမနှစ်ကထက်ပိုပြီးတော့ 10% တက်ချင်တယ်ဆိုရင် မနှစ်က အရေအတွက် ဘယ်လောက်ရောင်းခဲ့ရလဲ? Marketing Budget ဘယ်လောက်သုံးခဲ့ရလဲကို ပြန်ကြည့်ရပါတယ်။ ပြီးတော့ မနှစ်ကရောင်းရတဲ့ တစ်လချင်းစီရဲ့ sales trend ကိုပြန်ပြီးကြည့်ရပါတယ်။ ဥပမာ - Jacket, suits, တိုက်ပုံတွေဆိုရင် မနှစ်က ဘယ်လိုမျိုးအချိန်တွေမှာ ပွဲတွေရှိတာလဲ? ပွဲလမ်းသဘင်ကာလတွေပေါ့။ အဲ့ကာလတွေမှာ ဘယ်လမှာ ပိုရောင်းရတာလဲ၊ ဘယ်လမှာ မရောင်းရဘူးလဲဆိုတာကို sales analysis ပြန်လုပ်ပေးရတယ်။ ကောင်းတာကတော့ နှစ်ကြာလေလေ sales trend ကိုပိုပြီး မြင်ရလာလေလေပဲ။ ပြီးတော့ sales trend တွေရဲ့ data တွေကို သိမ်းထားဖို့ အများကြီးအရေးကြီးတယ်။ မပြောပြနိုင်လောက်အောင်ကို အရေးကြီးတယ်။ ဘယ်နေ့မှာ ဘာပစ္စည်း၊ ဘယ်သူ့ကိုရောင်းလိုက်ရတယ်ဆိုတာကို သိမ်းထားဖို့ အရေးကြီးတယ်။ ဆိုတော့ အဲ့ sales trend ကိုပြန်ပြီးတော့ သုံးသပ်တယ်။ မနှစ်က sales trend အရ တစ်လချင်းစီမှာ သုံးခဲ့တဲ့ Marketing Budget data ကိုပြန်ပြီးကြည့်ရတယ်။ နောက်ထပ်တစ်ခုက conversion rate ကိုကြည့်ရတယ်။ Conversion rate ဆိုတာ ဆိုင်ကိုလူဘယ်နှစ်ယောက်လာလဲ ဘယ်နှစ်ယောက်ရောင်းလိုက်ရလဲကို ခေါ်တာ။ အရင်ကတော့ conversion rate ကိုတွက်ဖို့ ခက်ရင်ခက်လိမ့်မယ်။ အခုဆို ဘာကောင်းလာလဲဆို Facebook ဆိုတဲ့ Digital Marketing Landscape ကြီးပေါ်မှာ Messages တွေက အစမြင်ရတယ်။ ပြီးတော့ အဲ့ Messages တွေကို ပြန်ပြီး count လုပ်လို့ရတယ်။ ပြီးတော့ ဘယ်နှစ်ယောက်က ဝယ်သွားလဲဆိုတာကို ပြန်ပြီးထုတ်ပေးရပါတယ်။ အဲ့ကနေ လူဆယ်ယောက်လာမေးမှ နှစ်ယောက်ဝယ်သွားတာလားဆိုတဲ့ conversion rate ထွက်လာပါတယ်။ အဲ့ကနေမှ conversion rate 20%, 30%, 40% ဆိုပြီး data တွေထွက်လာပါတယ်။ အဲ့ကနေ ဘယ်လိုခန့်မှန်းလဲဆို ဒီနှစ်မှာ Product တစ်သိန်းရောင်းရတယ်။ နောက်နှစ်မှာ တစ်သိန်းတစ်သောင်းရောင်းချင်တယ် ဆိုလို့ရှိရင် ဒီနှစ်မှာ conversion rate 50% ရှိတယ်ထား ဒီနှစ်မှာ တစ်သိန်းရောင်းရဖို့ကို လူနှစ်သိန်းကလာပြီးမေးရလိမ့်မယ်။ တစ်သိန်းတစ်သောင်း ရောင်းရဖို့ဆို နှစ်သိန်းနှစ်သောင်းလာမှရပါလိမ့်မယ်။ နှစ်သိန်းနှစ်သောင်း ရှာပေးဖို့ဆိုရင် Marketing Budget ဘယ်လမှာ ဘယ်လောက် ထည့်ရမယ်ဆိုပြီး အဖြေပေါ်လာပါလိမ့်မယ်။ Plan ကိုအရင်ဆွဲရလား၊ Budget ကို အရင်သတ်မှတ်ရလားဆို ကျွန်တော်တော့ Goal ကို အရင်ချပါတယ်။ ပြီးမှ Plan နဲ့ Budge ကလာတာပါ။ ဒီ Business ကြီးတစ်ခုလုံးအနေနဲ့ ဘာဖြစ်ချင်တာလဲဆိုတဲ့ KPI, Goal လိုပါတယ်။ အဲ့ Goal ကိုသိရမှ ဒီ တစ်သိန်းတစ်သောင်းရောင်းရဖို့အတွက် Marketing ရဲ့ KPI ကိုသိမှာပါ။ KPI ကိုသိပြီဆိုရင် မနှစ်က ဘယ်လမှာ ဘယ်လောက် KPI ရလဲ၊ Marketing Budget ဘယ်လောက် သုံးရလဲဆိုတဲ့ data တွေထွက်လာမှာပါ။ အဲ့ကနေမှ ဘယ်လမှာ Budget သုံးရမလဲဆိုတာထွက်ပြီးတော့မှ Plan အကြမ်းကိုဆွဲပါတယ်။ ဥပမာ - sales ရောင်းကောင်းတဲ့လတွေမှာ ဘယ်လိုမျိူး campaign တွေသုံးမှာလဲ၊ sales မကောင်းတဲ့လတွေမှာ ဘယ်လောက် Budget လျော့သုံးမလဲဆိုတဲ့ Plan တွေရတယ်။ Goal ရပြီဆိုရင် Budget ဆွဲပြီးတော့မှ Plan ချလို့လည်းရသလို၊ Plan ချပြီးမှ Budget ဆွဲလို့လည်းရပါတယ်။
ဆိုတော့ Business Goal, Sales Trend, Marketing Trend အဲ့သုံးခု အရေးကြီးပါတယ်။ ပြီးတော့ Micro environment လို့ခေါ်တဲ့ ကိုယ်ကိုင်တွယ်လို့မရတဲ့ အခြေအနေတွေက ကိုယ့် business အပေါ်ကို impact ဘယ်လောက်အထိရှိမလဲဆိုတာကိုDigital Marketer တစ်ယောက်အနေနဲ့ ထည့်တွက်ပေးရပါတယ်။ ဥပမာ - covid, politics စတာတွေပေါ့။
