Avia Pieridum peragro loca nullius ante
trita solo. Iuvat integros accedere fontis
atque haurire iuvatque novos decerpere flores
insignemque meo capiti petere inde coronam,
unde prius nulli velarint tempora Musae;
Primum, quod magnis doceo de rebus / et artis
religionum animum nodis exsolvere pergo,
Deind,e quod obscura de re tam lucida pango
carmina musaeo contingens cuncta lepore.
Lucretius, De rerum natura, I, 926-934
