Ons vier die geboorte van Jesus Christus ons Heer, en Verlosser! Wat is die Ware gebeure rondom Jesus se Geboorte? Wanneer ons Jesus in menslike konteks reg sien en verstaan, word die bonatuurlike wêreld meer toeganklik. Hoe meer ons onsself inleef in die normale menslikheid van die gebeure rondom Jesus se geboorte, hoe meer werklik word Sy bestaan, en word ons geestelike oë geopen tot die realiteit van hoe bonatuurlik menslik Hy vandag nog in ons lewens werk.
