សូមអនុញ្ញាតឲ្យខ្ញុំបញ្ចប់ជំពូកនេះដោយត្រឡប់ប្រធានបទ ដែលខ្ញុំបានសង្កត់ធ្ងន់នៅក្នុងសៀវភៅនេះ។ មិនគួរមានអ្វីមួយមករំខានយើង ឲ្យងាកចេញពីការកសាងជីវិតអាពាហ៍ពិពាហ៍ និងគ្រួសាររបស់យើងនោះទេ។ យើងប្រឈមមុខនឹងបញ្ហាជាច្រើន—ជំងឺ ភាពកម្សោយ ការយល់ច្រឡំ ខ្មាំងសត្រូវ បញ្ហាផ្នែកហិរញ្ញវត្ថុ កូនៗមានការបះបោរ ការល្បួងខាងឯផ្លូវភេទ និងបញ្ហាកូនប្រសារនៅក្នុងគ្រួសារ។ ប៉ុន្តែ ចំណុចទាំងនោះមិនត្រូវចូលមករំខានរបៀបនៃការថែរក្សាទំនាក់ទំនងរបស់យើង នៅក្នុងគ្រួសារបានឡើយ។ ព្រះជាម្ចាស់មានការប្ដេជ្ញាចិត្តចំពោះជីវិតអាពាហ៍ពិពាហ៍ និងគ្រួសាររបស់យើង។ ព្រះអង្គសព្វព្រះហឫទ័យឲ្យពួកគាត់មានភាពអរសប្បាយ និងបរិសុទ្ធ ហើយក៏នឹងប្រទានដល់យើងនូវជំនួយដែលយើងត្រូវការដែរ។ ការនេះអាចផ្ដល់ដល់យើងនូវទំនុកចិត្តក្នុងការប្រយុទ្ធតស៊ូក្នុងជីវិតអាពាហ៍ពិពាហ៍ និងគ្រួសាររបស់យើង។ ប៉ុន្តែ យើងត្រូវតែឲ្យអាទិភាពចម្បងទៅកាន់គ្រួសារ និងដោះស្រាយបញ្ហាដែលពួកគាត់ប្រឈមមុខដាក់ដែរ។
Hosted on Acast. See acast.com/privacy for more information.
