Bu dəfə qonağım 44 günlük Vətən müharibəsinin, həmçinin Aprel döyüşlərinin iştirakçısı olmuş qazi Əli Əhmədlidir. Əli Vətən Müharibəsinin ilk günündən son gününə qədər müharibədə iştirak edib. Söhbətimiz zamanı o müharibə zamanı yaşadıqları dəhşətlərdən, çətinliklərdən, eləcə də sevincli və kədərli anlarından danışdı. Mənim üçün bu buraxılış həm çətin, həm də qürurverici oldu. Çətin ona görə ki, Əli ilə birgə müharibə dəhşətlərinə bir növ səyahət etdik, qürurverici ona görə ki, ordumuzla bir daha fəxr etdim. Qeyd edim ki, Əli Füzuli və Xocavəndin işğaldan azad olunmasına görə medalları ilə təltif edilib. Xoş dinləmələr.
