Bu dəfə qonağım aktyor Orxan İskəndərli oldu. Əksəriyyətimiz Orxanı Hilal Baydarovun "Səpələnmiş ölümlər arasında" filmindəki obrazı ilə tanıyırıq. Lakin həyat elə gətirib ki, mənim Orxanla tanışlığım 2012-ci ilə və birgə qatıldığımız dərslər zamanına gedib çıxır. Həmin vaxtlar Orxanın sənətə marağından xəbərsiz idim. Maraqlıdır ki, podkastda Orxanla danışan zaman 2012-ci ildə yaşamış "özüm" haqqında da bəzi yeniliklər öyrəndim ki, sən demə onları artıq unutmuşam. Orxan kifayət qədər maraqlı həmsöhbət oldu. O, həm aktyor sənətinə gəlişindən, həm yoqanın həyatındakı önəmindən, həm də gələcək planlarından danışdı. Hamınıza xoş dinləmələr.
