ယူႇမိူင်းထႆး မီးဝတ်းဝႂ်တဵမ်ထူၼ်ႈၵေႃႈ ယႃႇႁႂ်ႈၵၢႆးတႃပိူၼ်ႈ ယႃႇၵေႃႇၵၢၼ်ႁၢႆႉ
ၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်း
ၶၢဝ်းတၢင်းသိုၵ်းမၢၼ်ႈ ယိုတ်းမိူင်းမႃးသေ ၵူၼ်းမိူင်းႁူမ်ႈတုမ်မၢၼ်ႈ ၽူင်ႉပၢႆႈၶဝ်ႈမိူင်းထႆးၼမ် ။ မိူဝ်ႈ 1996-97 ၸိူဝ်းၼၼ်ႉတႄႉ ၵမ်ႈၼမ် တေပဵၼ်ၵူၼ်းမိူင်းတႆးၵူၺ်း ဢၼ်ၼပ်ႉႁူဝ်ႁဵင် ပၢႆႈၸူးမိူင်းထႆး ။ ပွတ်းတၢင်းမိူင်းမၢၼ်ႈ တေဢမ်ႇသူႈပၢႆႈၶဝ်ႈထႆး ။ ၸွမ်ၸိၵ်းသိုၵ်းမၢၼ်ႈမိၼ်းဢွင်ႇလၢႆႇ ယိုတ်းဢႃႇၼႃႇၸိုင်ႈမိူင်းမႃးၶၢဝ်းတၢင်း 4-5 ပီၼႆႉ ၵူၼ်းမိူင်းမၢၼ်ႈပတ်းပိုၼ်ႉ ၶၢႆႉၶဝ်ႈမိူင်းထႆးၼမ် ။ ၵူၼ်းမိူင်းမၢၼ်ႈဢၼ်ၶဝ်ႈမိူင်းထႆး ၵူၼ်းၵဝ်ႇၵူၼ်းမႂ်ႇမႃးလေႃးၵၼ်ၼမ် ၊ ပၼ်ႁႃၵေႃႈၼမ် ။
ပၼ်ႁႃဢၼ်ၼိုင်ႈပႆႇယဝ်ႉ ပၼ်ႁႃထႅင်ႈဢၼ်ၼိုင်ႈသိုပ်ႇထႅင်ႈ ။ ႁႅင်းၵၢၼ်မိူင်းမၢၼ်ႈ ပွတ်းတၢင်း ၸႄႈတွၼ်ႈ ၶျူၼ်ႊပူႊရီႊ မီးပၼ်ႁႃၵၼ် လူင်းတိၼ်လူင်းမိုဝ်းပေႃႉထုပ်ႉၵၼ် ထိုင်တီႈလိူတ်ႈတူၵ်းယၢင်ဢွၵ်ႇ ။ ႁဵတ်းႁႂ်ႈၵူၼ်းမိူင်းထႆးႁၼ်ဝႃႈ ၵူၼ်းမိူင်းမၢၼ်ႈ မႃးၵေႃႇၵၢၼ်ႁၢႆႉ ႁဵတ်းႁႂ်ႈမိူင်းထႆးသုၵ်ႉ ။ ၸင်ႇၼၼ်လႄႈ ၸုမ်းလူလွမ်ႁႅင်းၵၢၼ်ဢွၵ်ႇသင်ႇ ႁႂ်ႈႁႅင်းၵၢၼ်မေႃယူႇမေႃၵိၼ်ၼႆယူႇ။ လွင်ႈၼႆႉ ၸၢႆးသႂ်ၸိုၼ်ႈမိူင်း တေႁၢႆးငၢၼ်းၼႄပၼ်ၵႂႃႇၶႃႈဢေႃႈ
#Podcast
#shannews
#ၽူႈတွႆႇႁွၵ်ႈ
