သိုဝ်ႇၶၢဝ်ႇ DVB ၼမ်းၸတ်း ပၢင်ၼႄငဝ်းတူင်ႉ ဢၼ်ဢွၵ်ႇသဵင်ပၼ် လွင်ႈယၢပ်ႇၵိၼ်းမိူင်းႁူမ်ႈတုမ်
ၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်း
လွင်ႈတုၵ်ႉလွင်ႈယၢပ်ႇ ၵူၼ်းၼိုင်ႈၵေႃႉၼၼ်ႉ ၽႂ်ၸမ်ၵေႃႈ မၼ်းၸွႆႈၵၼ်လႆႈ တိုတ်ႉတၢႆးၵၼ်လႆႈယူႇၼႆသေတႃႉ သင်ပဵၼ်မူႇပဵၼ်ၵေႃ ပဵၼ်ဝၢၼ်ႈပဵၼ်မိူင်းမႃးသမ်ႉ ယိင်ႈၶႅၼ်းလူဝ်ႇတၢင်းၸွႆႈထႅမ် တႃႇႁႂ်ႈၵုမ်ႇထူၼ်ႈ တူဝ်ႈထိုင် ၵူၼ်းၵူႈၵေႃႉၼၼ်ႉဢမ်ႇငၢႆႈ ။
ၸင်ႇၼၼ်လႄႈ ၵၢပ်ႈပၢၼ်မႂ်ႇၼႆႉ ၼင်ႇႁိုဝ် တေပိူင်းၼႄလႆႈ လွင်ႈတုၵ်ႉလွင်ႈၶီ လွင်ႈမႆႈလွင်ႈလိူတ်ႇ ၵူၼ်းတီႈလႂ်တီႈၼၼ်ႈၼၼ်ႉ ၸင်ႇဢွၼ်ၵၼ် ထၢႆႇငဝ်းတူင်ႉလႄႈသင် ၶႅပ်းႁၢင်ႈလႄႈသင် ၸိူဝ်းၼႆႉသေ ဢွၵ်ႇသဵင်တႅၼ်းပၼ်ၵူၼ်းၸိူဝ်းၼၼ်ႉမႃးၶိူဝ်းယႂ်း ။
မိူင်းႁူမ်ႈတုမ်မၢၼ်ႈ ဢၼ်ၺႃးသိုၵ်း ယိုတ်းမိူင်း ၼႆႉၵေႃႈ ၵူၼ်းမိူင်းတုၵ်ႉၵိၼ်းတူဝ်ႈမိူင်းၵေႃႈ ဢိင်ၼိူဝ်ငဝ်းလၢႆးလုမ်ႈၾႃႉသေ ၸိုင်ႈမိူင်းဢဵၼ်ႁႅင်းယႂ်ႇၶဝ် ၸၢင်ႈတူၺ်းၶၢမ်ႈပႅတ်ႈ မိူၼ်ဢမ်ႇပေႃးသႂ်ႇၸႂ် ။ ၸင်ႇၼၼ် လႄႈ သိုဝ်ႇၶၢဝ်ႇ DVB ၼမ်းၸတ်းပၢင်ၼႄငဝ်းတူင်ႉ ဢၼ်ဢွၵ်ႇသဵင်ပၼ် လွင်ႈယၢပ်ႇၵိၼ်းၸႂ်ၵူၼ်းမိူင်းႁူမ်ႈတုမ်ပတ်းပိုၼ်ႉ တီႈၸၼ်ႉၸွမ်ၵဵင်းမႂ်ႇ ၸိုင်ႈထႆး ။ လွင်ႈၼႆႉ ၸၢႆးသႂ်ၸိုၼ်ႈမိူင်း တေႁၢႆးငၢၼ်းၼႄပၼ်ၵႂႃႇၶႃႈဢေႃႈ။
#podcast
#shannews
