Title - Mohabbaton ki kahani
By @AshokSawhnySahil.
#ashoksawhnysahil #urdupoetry #shayari
Mohabbaton ki kahani sunane aaya hun
Har ek roothe huay ko manane aaya hun
Tujhe khabar hai tere reshmi tarannum ko
Main bazm-e-shauq mein bhi gungunaane aa ya hun
Mera payaam hai raah-e-khuda pe aajao
Jo so rahe hain unhen main jagaane aaya hun
Haseen subh ko sajne sanwarne do yaro
Main sirf aaina us ko dikhaane aaya hun
Mujhe nahin hai khauf baad o baaraan se
Chiraagh tez hawa mein jalaane aaya hun
Rukh-e-hayaat pe afsurdagi ka pehra hai
Rukh-e-hayaat ko Shaadmaan banane aaya hun
Kuch ehtimaam ki khwahish hai kar le baad-e-Saba
Keh de ghunchon se main muskurane aaya hun
Yeh jaam o meena mujhe kya sukun bakhshen ge
Sharaab khaane mein har gham bhulaane aaya hun
Main kab ka paar samandar ko kar chuka ‘Sahil’
Tumhari doobti kashti bachaane aaya hun
Website : www.ashoksawhny.com
Youtube https://www.youtube.com/c/ashoksawhnysahil
Instagram: https://www.instagram.com/ashoksawhnysahil/
Facebook : https://www.facebook.com/ashoksawhnypoet
Spotify: Ashok Sawhny Poetry of Life ( English)
https://open.spotify.com/show/1ZtQWYG5RUVHrLGQ5IyvZV
Ashok Sawhny, Dastan -e- Zindagi ( Urdu )
https://open.spotify.com/show/3BoBLzORJi4KqOI2F3IFhi
