Title - Taseer E Mahabat
By @AshokSawhnySahil.
Video Artist - Ujala Saroj
#ashoksawhnysahil #urdupoetry #shayari
Taseer e mahabat, taaseer e insaniyat
Na ho to ghaflat, na ho to museebat
Azba e hangama to bas khel iblees ka hai
Jab ism e insaniyat hai jazba e murawwat
Zabt e sukhan nahin, hirs o hawaas la mahdud
Zaalim hai zurur yeh taskheer e kaaenaat
Kyon itna ghaafil hai insan in baaton se aaj
Jaanen jaati hain kaisi yeh samjhaaye aaj siyasat
Kyon sab kuchh luta den hain hum kursi ke liye
Jab zameen pe hoti hai sabko roz soney ki aadat
Yeh kaisi hai talaash, maqsad e zeest ki mustaqil
Aakhiri dum tak na maalum hai jeene ki haqeeqat
Kyon kaafi nahin hai jeena waqt apna apna sab ko
Maqaasid ki justaju ko kyon banaate hain hum aafat
Jab maut ka din moayyen hai, muqarrar hai, tai hai
Phir bhi khayal jaavidaani ke, wah kya kehne, Munafiqat!
Yaro hum bhulte hain daur apne bachpan ka kyon
Jab us maasumiyat ka hi naam, hai awwal ibadat
Kya kabhi bache ko suna hai kisi ne yeh kehte huay
Ke tafli men thi usey bahot zabardast aziyat
‘Sahil’ teri yeh majaal, yeh gustaakhi teri kaisi
Bata, kyon deta phirta hai tu sab ko yeh fuzool naseehat
Website : www.ashoksawhny.com
Youtube https://www.youtube.com/c/ashoksawhnysahil
Instagram: https://www.instagram.com/ashoksawhnysahil/
Facebook : https://www.facebook.com/ashoksawhnypoet
Spotify: Ashok Sawhny Poetry of Life ( English)
https://open.spotify.com/show/1ZtQWYG5RUVHrLGQ5IyvZV
Ashok Sawhny, Dastan -e- Zindagi ( Urdu )
https://open.spotify.com/show/3BoBLzORJi4KqOI2F3IFhi
