嘉賓 Emma：
食得咁清，得唔得㗎？好多朋友都擔心食素對身體有壞影響，不過其實只要識得食，食素一樣可以好健康。
今次除咗講食嘢講中醫，仲講咗好多我平時好少講嘅嘢——自己。多謝《不吃動物的人》畀咗個咁好嘅機會我，傾完都驚覺，原來我係咁樣㗎？
我自己同 Ann、Anna、Carmen 和對我很有啟發性的 Sky 傾完都非常有得著，希望大家可以聽得開心、輕鬆。
主持兼插畫 Carmen：
Emma 是個充滿少女心的醫師，診所裏盡是她喜歡的小東西：草藥壓畫、放在前台的頌缽、「鏡仔」的溫暖、來自不同佛寺的生活提醒、地藏菩薩的善良⋯⋯這些滋養心靈的小物，在與她半晝的傾談裏閃閃發亮。
多曬陽光，讓陽光照進心裏，身體和心靈也自然能和諧起來，什麼都會好起來：）謝謝 Emma！
主持兼監製 Sky：
這位非一般的中醫師來自中醫世家，屋企養咗十幾隻貓，「平衡」、「放鬆」、「休息」和「多曬太陽」是她的口頭禪。診症靠的是慈悲心，用藥是苦口婆心——勸你改善生活習慣、食得好啲、勤做運動、多曬太陽⋯⋯嗱，又「多曬太陽」喇。
主持 Ann：
「健康係人生最大嘅財富」，呢句嘢聽落可能有少少娘，但講真 #OldButGold！今集嘉賓 Emma 醫師就同我哋分享咗佢嘅養生方程式：一個有米氣嘅早餐＋素食＋曬太陽＋做運動＋唔捱夜。健康都可以勁簡單、超易做㗎！無論係做人定養生，有時候，都係還原基本步、簡單啲好 😌🙏🏼
錄音後製 Anna：
Emma 與我心目中的中醫師很不同。她很時髦，喜歡鏡仔、喜歡踩板，但與她詳談後，便感受到她那顆宅厚仁心和濟世為懷的精神，治病以外，也關顧病者的心靈。在節目中，我們聊到動物製中藥、養生、新冠後遺症等等，她也一一解答，傾囊而出，謝謝她的分享。
