Heey Liebi Tigris
Mer chömet wieder mol ahkroche vo de Tankstelle mit Milch und Zigi's zrugg. Während all anderi Podcaster euch im Sommer im Stich löhnd, sim mer für euchi süessi Ohrmuschle da.
Mer erzählet euch wo mer eus die letzte Woche und Monate verlore hend, was mer alles ah Abentüür erlebt hend und wie mer eus entwickelt hend. Wie ihr usem Titel vo dere Folg entneh chönnt, hett sich nüt verändert. Bedütet: Mer sind nach wie vor die Gliche!
Witerhi erzählt Ilir über sin zweiwöchige Strandurlaub in Antalya und was er so erlebt. Eigentlich hett hauptsächlich nur de Ilir gredet und mer sind ih dere Folg debi gsi. Isch alles ned so schlimm, will de braungebräunte Drache einiges erlebt hend.
Natürlich schlüsse mer d'Folge nach wie vor mit Flachwitze ab.
Löhnd doch in Q&A Feld eus wüsse, wie es euch gfallt. Mer freue eus uf jede Feedback.
Euchi Hajvan's
