Nuwun sewu mbah, mboten ateges kulo punika nginterogasi utawi ngonceki panjenengan, mboten. Sejatosipun panjengenan punika sinten ? Darmo nekad miyak pedhut sing nutupi jiwa lan ragane mbah Sawiyo sawutuhe. Nadyan ta dianggep keladuk wani kurang deduga, iki wis dadi niyat lan kemantebaning karepku, grenenge Darmo njero ati, karo ngusap kriget adhem sing dleweran ing bathuke.
