Krungu kabar kasebut sirahe Jumono rasane kaya ketiban gandhen. Kaget, bingung, goreh, kuwatir lan was-was dadi siji. Saweneh pitutur lan iguh pratikel saka wong tuwane apadene tangga teparone, uga para pini sepuh desane ora dipaelu. Kaya mung mlebu kuping tengen metu kuping kiwa. Dina-dinane mung lungguhan dheleg-dheleg nang cakruk rondha kanthi mripat kang tumlawung adoh.
