Pangalawang pagkakataon. Dalawang simpleng salita, pero komplikadong ibigay sa mga taong nakasira na ng tiwala natin.
Magagawa mo bang pagkatiwalaan muli at bigyan ng oportunidad para sa bagong buhay ang mga taong minsan nang nalulong sa ilegal na droga?
Sa panayam natin kay Mark Ian Mendoza at Johnpet Glenn Misa ng Bridges of Hope Philippines, ikinuwento nila ang naging proseso ng kanilang pag-recover mula sa pagiging drug dependent tungo sa kanilang second chance sa buhay ngayon.
