16.02.2025, Bazar
Îro min ji Zagros Film Festivalê, Yavru Karınca sêr kir, Kurmorî yanî, yanî Baby Ant.
Fîlma bi dîrektorîya Derya Uygurlar behsa dê û keçekê dike, bavkê malê di hepsê de.
Di fîlmê de performansa keçka biçûk ya nav Deniz bala min kişand; ew keçka nav Almina Kahraman ku di çend fîlmên din de jî lîstiye.
Derya Uygurlar bi fîlma sahne û sekansên wê ji hindur malê dernakevin kiriye ku kesên fîlmê sêr dikin hepsê his bikin.
Dîsa qawanoza ku kurmorî têde çerx dibe hinekî wekî heyat û hikayeta hepsîyan e.
Tercîha Derya Uygurlar e qey, qey jiber şertên li Tirkîyê ne, fîlm ne req û rût û kut, lê soft û sivik sivik dixwaze çend tiştên sîyasî bêje.
Gava mesele zarok bin û sewt û stranên li dora wan sîyasî bin, însan nikane her tiştî rasterast bêje gerçî.
Ji salên 1990î ta salên 2010î sê birayên min sîyasî ketin hepsê derketin. Birazîyên xwe yên biçûk î hûrik re tim ez diçûm hepsê dihatim.
Ew birazîyên min ku fehm nedikrin bavên wan seba çi ji pişt cam û caxan bi wan re şorê dikin.
Cam û cax.. Dilê min dike çizînî hîn jî gava tê bîra min û dibêjim, birazîyên min bûn, digotin, li cam û caxan dinêrin, digotin, ‘’Apo Farûqqq, baba di televîzyonê de ye.’’
Omer Faruk Baran
