21.02.2025, În
Dewam dikim li Zagros Film Festivalê, îro min Triangle ya Zhino Hadi sêr kir.
Zhino Hadi di vê fîlmê de di ser du peya û du jinan re behsa meseleya tacîzê, meseleya destdirêjîyê dike.
A rast, kes rasterast qala tacîzê nake di fîlmê de, tenê ji awiran herkes fehm dike ku kê çi kiriye çi nekiriye.
Di heyatê de jî ne wisa ye ma? Tacîz pir caran eşkere nabin, mexdûr jibo xwe mexdûrtir hîs neke di nêv milet de meselê vedişêre, behsê nake.
Bi min wer tê ku di vî zemanê qaşo modern de tacîz, destdirêjî ji berê qat bi qat zêdetir in, lê jiber şertên heyatê pir nêne eşkerekirin.
Wan salên 2017an, 2018an li ser sosyal medyayê etîketa #metooyê deng da û bi sed hezaran meseleyên tacîzê hatin nivîsîn, hatin gotin.
Bes vê etîketa #metooyê li Fransa pir tesîr nekir. Akademîsyen, nivîskar, medyakar 100 jin jî rabûn dest bi hereketeka antî metoo kirin û gotin, tecawuz sûc e, lê flortkirina û halên xowerde ne sûc in.
Wan jinan mealen digot, meseleya jirêderxistinê, bi Tirkî, baştan çıkarmak, meseleyên florta bi israr meseleyên kultûrê ne.
Zhino Hadi devkî û destî tacîzê raber dike, ku kultûr e, kultûra van hêlan niha vê yekê dike.
***
***
