Si Haruka Weiser, ay mula sa Beaverton Oregon. Siya ay isang 18 years old na babaeng nag-aaral sa University of Texas. Umibig siya sa ballet, mula nung nasa ika-anim na baitang. At ngayon ay majoring, sa teatro at sayaw. At masaya sa buhay sa University. At maayos naman ang kanyang unang taon doon.
Noong Linggo, April 3, 2016, tumawag si Haruka sa kanyang kaibigang si Sylvia mga bandang 9:30 pm noong gabing yon. Katatapos lang ng klase niya. At tumatawag lang si Haruka, para ipaalam sa kaibigan, na pauwi na siya. Walang ideya si Haruka, na may isang taong may kakila-kilabot na intensyong nakatingin sa kanya. Kinabukasan noong Lunes, April 4, nakatanggap ang pulisya ng Texas ng tawag sa telepono, mula sa isa sa mga kaibigan ni Haruka. Nag-aalala sila, dahil hindi nakauwi si Haruka sa dormitoryo, pagkatapos ng klase nito noong nakaraang gabi. At hanggang ngayon, Lunes ng umaga ay hindi pa rin nakakauwi. Nagbigay ng maikling paglalarawan ang kanyang mga kaibigan, kung ano ang kanyang suot noong huli nila siyang nakita. Naka suot siya ng all black, at Doc Martin na sapatos. May dala rin siyang, isang blue duffle bag. Sa loob ng bag, ay isang Mcbook computer, at ilang college coursework. Martes, April 5, wala pa ring palatandaan kay Haruka. Ang pulisya ng University, ay nagsimulang maghanap sa lugar, kung saan siya kadalasang dumadaan.
