Kumusta po kayong lahat, Ang kasong ating pag uusapan ngayon ay naganap sa United Kingdom noong May 3, 2019. Si Ellie Gould, ay isang 17 taong gulang, na dalagang nakatira sa Calne, kasama ang kanyang ina at ama. Na parehong inilarawan siya bilang isang maganda at mapagmalasakit na anak. Malaki raw ang pagmamahal ni Ellie sa mga hayop. Partikular, na sa mga kabayo. Isa siyang horse rider, at sumali sa mga kompetisyon sa local, at mga cross-country events. Sinabi ng kanyang mga magulang ang pangarap niyang sumali sa kanilang Mounted Police, at ang pagkasabik sa kanyang susunod na hakbang sa buhay. Isa rin siyang A-level na mag-aaral sa grade 12.At dito din siya nagsimulang makipag relasyon sa kanyang 17 years old na nobyong nagngangalang Thomas Griffiths. Magkakilala na sina Ellie at Tom, mula noong 7th grade. At sinabi nitong matagal na siyang hinahabol ni Ellie, at tuwang-tuwa si Ellie nang sa wakas ay naging opisyal ang kanilang relasyon noong January 2019. Bagama't hindi nagtagal ang relasyon, noong May ng taong ding yon napagpasyahan ni Ellie na kailangan niya munang unahin ang kanyang pag-aaral. Maraming beses na kasing tinatangka o ginagawa ni Thomas na subukan, at pigilan si Ellie na magfucos sa kanyang pag-aaral. Isang bagay na kilala bilang educational sabotage. Ginagawa ito bilang isang paraan ng kontrol. Mas gusto kasi ni Tom na mas nakatuon si Ellie sa kanya kaysa sa pag-aaral nito.
