1. Puer natus in Bethlehem,
Unde gaudet Jerusalem, Alleluia.
In cordis jubilo Christum natum adoremus cum novo cantico.
2. Assumpsit carnem Filius
Dei Patris altissimi, Alleluia.
3. Per Gabrielem nuntium
Virgo concepit Filium, Alleluia.
4. Tanquam sponsus de thalamo
Processit matris utero, Alleluia.
5. Hic iacet in præsepio
Qui regnat sine termino, Alleluia.
6. Et angelus pastoribus
Revelat quod sit Dominus, Alleluia.
7. Reges de Saba veniunt,
Aurum, thus, myrrham offerunt, Alleluia.
8. Intrantes domum invicem
Novum salutant Principem, Alleluia.
9. In hoc natali gaudio
Benedicamus Domino, Alleluia.
10. Laudetur sancta Trinitas,
Deo dicamus gratias, Alleluia.
