Oka elsendo de Panama Raporto, publikigita la 8a de Februaro de 2005. Pri la panama maniero festi la Karnavalon. Unu el la plej interesaj festmanieroj karnavalaj de Panamo troviĝas en Azuero (:azŭero). En ĝi, multaj urboj festas la Karnavalon kun granda pompo, inter ili Las Tablas kaj La Villa (:la viĝa). En Panamurbo, miloj da homoj iras al la ĉefa strato de la urbo por danci, kanti kaj drinki. Famaj internaciaj muzikistoj venas por kanti en tiu strato, antaŭ miloj da saltantaj panamanoj.
