Ein dýrasta ‘indí’ (stór)mynd fyrr eða síðar. Cloud Atlas er vægast sagt metnaðarfullt stykki úr smiðju Wachowski-systra og Tom Tykwer. Myndin hefur að vísu verið gagnrýnd fyrir ýmislegt og er aldeilis ekki allra - en færa má einnig rök fyrir fegurðina í verkinu og ekki síður einlægninni.
Rafn Herlufsen snýr aftur til Kjartans og Tomma til að ræða nákvæmlega hvers vegna Cloud Atlas er stórglæsilegt kvikmyndaverk sem flestir ættu að sjá, gefa annan séns og/eða sjá aftur.
Þá er einnig tekið umræðuna um ‘physical media’ og aðgengi mynda á streymum eða drifum. Rafn hefur um alla tíð verið naglharður safnari, með bíómyndaeintök í þúsundatali, og skólar Bíófíklana vel til í lífstíl (og lífs-díl) þessum.
Flest fólk er hvatt til að hlera einlægnina í umræddum umræðum.
Efnisyfirlit:
00:00 - Nándarráðgjöf á setti
06:40 - ‘Physical media’ og safndiskar
21:03 - “Ég hata orðið content”
27:00 - “Eins og glæný bíómynd!”
33:29 - Titanic-effektinn
37:31 - Þemun í Cloud Atlas
40:21 - Kraftur listarinnar
47:21 - Mergð af dropum
53:58 - Endurtekin mynstur
59:40 - Tykwer & Wachowski-systur
01:06:26 - Bardaginn gegn kerfinu
01:12:47 - Að skilja kássuna
01:19:00 - Wachowski óvinsældirnar
01:24:00 - Með einlægnina að vopni
01:32:52 - Besta sagan?
01:40:31 - Samantekt
